[i5oo]

DE LA VILLE DE PARIS.

LXXVII. — Conclusion touchant la haulteur dud. pont.

6 juillet i5oo.

Le sixiesme jour dud. mois de Juillet, en lad. chambre du Conseil ou Pallais, à Paris, où estoient maistres Pierre Cohardy et Jehan de Ganay, conseillers du Roy et presidens en sa Court de Parlement; reverend pere en Dieu l'evesque de Lodesve'¹', et mess" Denis de Bidaut, aussi conseiller du Roy et president en sa Chambre des Comptes; mess" Jaques de Cottier, conseiller dud. s^r et vispresident en sad. Chambre des Comptes; maistre Jehan Bouchart, conseiller dud. s^r en sad. Court de Parlement; mais-Ires Olivier Le Roux et Eustace Luillier, aussi conseillers dud. s^r et maistres en sad. Chambre des Comptes ; maistre Jehan Bourdelot, procureur general d'icelluy s^r; les Commis au gouvernement de laville de Paris; sire Jehan Le Gendre, Guillaume Du Souchay, Jehan Baudin, messire Jehan de Doyac, maistre Colinet de La Chesnaye, frere Jehan Joyeulx, maistre Didier de Felin, Martin Chambiche, Jaques

(Fol. 48 r°.)

de Versongnes et plusieurs autres maçons et tailleurs de pierre de lad. ville de Paris : a esté conclud que les pilles du pont Nostre Dame seront faictes de quatorze piedz d'espoix, non comprins l'empattement, et que les voulsures des arches dud. pont seront faictes en leur plain cintre, et que les deux premieres arches des deux boutz d'icelluy pont seront faictes plus petites que les autres. Et au regard de l'ouvraige ja encommancée en la masse dud. pont du costé de la Tannerie, et en la premiere arche d'icelluy, il sera parachevé selon et en ensuivant ce que fait a esté. Et pourceque touchant la haulteur desd, arches, a différend entre led. frere Jehan Joyeulx d'une part, et lesd, maistre Didier de Felin et autres maistres maçons et tailleurs de pierre de lad. ville de Paris d'autre part, a esté ordonné ausd, parties qu'ilz facent d'une part et d'autre ung poiirtraict dud. pont pour, icelluy veu, en estre ordonné ce que de raison.

LXXVIII. — Conclusion de la grosseur des pillés et largeur des arches.

ii juillet i5oo. (Fol. 48 v°.)

Le unziesme jour dud. moys de Juillet, en Postel de l'uissier de la Chambre des Comptes, où estoient maistres Pierre Cohardy et Jehan de Ganay, conseillers du Roy et presidens en sa Court de Parlement; reverend pere en Dieu l'evesque de Lodesve^(l), conseiller dud. s^r et president en sa Chambre des Comptes; maistre Jehan Bouchard, aussi conseiller dud. s^r en sad. Court de Parlement; les Commis au gouvernement de la ville de Paris; sire Jehan Le Gendre, Guillaume Du .Souchay, Jehan Baudin, mess⁰ Jehan de Doyac, frere Jehan Joyeulx, maistres Didier de Felin, Jehan de Felin, Laurens de Bucy, Philippot de Fronsieres, Martin Chambiche, Jaques de Versongnes et autres maistres maçons et tailleurs de ladicte ville de Paris;

A esté conclud que chascune pille du pont Nostre Dame sera faicte de quatorze piedz d'espoix, et que les voulsures des arches dud. pont seront faicles

en leur plain cintre, et que lesd, arches auront entre deux pilles la largeur qui c'ensuit, c'est assavoir : la premiere du costé de l'eglise Saint Denis de la Chartre, huit toises ung pied et demy; la seconde ensuivant, huit toises cinq piedz; la tierce, liuit toises cinq piedz; la quarte, huit toises cinq piedz; la cinquiesme, huit toises cinq piedz; et la sixiesme et derniere, huit toises ung pied et demy; pourveu toutesvoyes que la longueur dud. pont, que les maistres massons et tailleurs ont rapportée estre de soixante troys toises et demye à prendre de masse en masse, soit juste; et se lad. mesure ne se trouve juste, le plus ou le moins sera amendé en faisant l'ediffice dud. pont.

Et au regard de la haulteur desd, arches, n'y a esté prinse aucune conclusion, mais a esté différé jusques à ce que lesd, pilles soient montez et tirées au dessus des eaues.

LXXIX. — Ordonnance touchant la masse du pont de costé de la Tannerie et autres poins,

i 5 juillet 15oo. (Fol. 49 r°.)

Le quinziesme jour dud. mois, en l'Ostel de la ville de Paris, où estoient maistre Jehan de Ganav,

conseiller du Roy et president en sa Court de Parlement ; messire Jaques d'Estouteville, prevost de Paris ;

C Guillaume Briçonnet, qui fut depuis évêque de Meaux, abbé de Saint-Germain-des-Prés et cardinal.